|  اصلی –کرم شعرینه بیر حاشیه))
ائوده بیر ایل آه چکرم خبر یوخ
ائوده چیخام من اویانا یار گلی .
تای- توشلاریم چوله چیخا گون چیخار
من چیخاندا یاغیش گئتسه قار گلی .
یازیخ قوزوم آجلیغا دوز داریخما
بوگون –صاباح باهار گلی بار گلی .
بیزه گله- گلمه یه بیر کال ائیده
قونشوموزا هیوا گلی نار گلی .
خان ائوینه شیر گله قویروق بولار
بیزیم ائوه کورایت گلی هار گلی .
خلقه خوناق گلی گوزی سورمه لی
بیزیم ائودن کورگئتمه میش کار گلی .
بختیمه آرواد نه چیخا بئلمیرم ؟
بللی دی کی سارساغا سوسار گلی.
بیر (اوچ ائتک)انداز گنیمه
(سالسبوری )گن گلمه سه دار گلی .
دولتلی یه یاس داگلی اوینایار
بیز کاسبا طوی گله آخسار گلی .
غم یوکوندن کد خدانین حصه سی
خردل ائلی بیزیمکی خالوار گلی.
کتده بیزی دئوللر بیر هاوار یوخ
بیز بیرکلمه حق دانیشاق جار گلی.
ایشچی تویوق کسنده من باخانمام
بیلمم نجه اوره گیندن وارگلی .
غمدن منیم بیر عینک وار گوزومده
ایشیق –آیدین گون گوزومه تار گلی .
عشقیم دوشوب یادیما گوزلر داشار
باهار سئل آتلانی –چایلار گلی .
چوخ شاعرین طبعی دونار بوز کیمی
(شهریارین) شعریده قاینار گلی.
((شهریار))
نوشته شده توسط محمد در چهارشنبه دوم بهمن 1381 ساعت 1 بعد از ظهر | لینک ثابت |
|
( نظرقلی ۵۰۰ متر) ( Please creed )
عکسهایی زیبا از بازیگران هندی 
![](http://i16.tinypic.com/6crafsp.gif"%20border="0"%20alt="Image%20and%20video%20hosting%20by%20TinyPic"></a>)
